Fier/ Autobusi i pasagjerëve përplaset me BMW-në , dëmtohet drejtuesi (VIDEO)

Një autobus dhe një autoveturë janë përplasur në aksin Lushnjë-Fier, në vendin e quajtur Vajkan.

Si pasojë është dëmtuar në këmbë drejtuesi i mjetit BMW, ndërsa pasagjerët e autobusit kanë shpëtuar pa u lënduar.

Nuk dihen ende shkaqet e këtij aksidenti që fatmirësisht nuk ka rezultuar me viktima edhe pse siç shihet nga videoja përplasja ka qenë mjaft e fortë.

Njoftimi i policisë:

Fier
Informacion paraprak

Në datën 06.06.2018, rreth orës 18:00, në vendin e quajtur “Vajkan”, mjeti tip “Fuoristradë” me drejtues shtetasin B.B, 35 vjeç, banues në Vlorë, është përplasur me mjetin autobus, me drejtues shtetasin A.N, 36 vjeç, banues në Shkodër.

Nga përplasja është dëmtuar drejtuesi i fuoristradës, shtetasi B.B i cili ndodhet në Spitalin Rajonal Fier nën kujdesin e mjekëve jashtë rrezikut për jetën. Asnjë nga pasagjerët e autobusit nuk ka llndime.

Grupi hetimor ndodhet në vendngjarje dhe po punon për zbardhjen e rrethanave të kësaj ngjarje.

https://www.youtube.com/watch?v=JyOHFph3K-w&feature=youtu.be

https://www.youtube.com/watch?v=nI8nXiPmHzc&feature=youtu.be

(B.H/Faxweb)