Skënder Gega, ish-trajneri i Partizanit, vazhdon që të mos i ndahet ngjyrave të kuqe. Ka qenë pikërisht mesfushori i kryeqytetasve, Bruno Telushi, që sot ka postuar foto teksa ndodhet në një lokal buzë detit në Vlorë, bashkë me profesorin e tij, Skënder Gega, që nuk është pjesë e kampionëve të Shqipërisë.
E ndërsa Partizani kërkon trajner, Telushi shkruan “familja e madhe e kuqe, gjithmonë bashkë”.
Kujtojmë se Gega u largua nga drejtimi i klubit vetëm disa ditë më parë, ku përmes një reagimi zyrtar, FK Partizani njoftoi se trajneri është larguar për arsyet e tij personale duke vendosur të ndërpresë me mirkuptim kontratën mes dy palëve, për të mos vijuar të jetë në drejtimin e ekipit edhe në sezonin e ardhshëm (lexo këtu).
