Personi që shihni në foto është 49-vjeçarja Lirie Xhepa, e cila u gjet e vrarë dhe e hedhur në një ferrë në zonën e Liqenit të Sharrës në Tiranë.
Burime bëjnë me dije se derimë tani janë shoqëruar në polici dhjetë persona, mes tyre dhe të afërm të viktimës. Xhepa kishte katër djem, njëri prej të cilëve ndodhet në burg, ndërsa dy në emigracion. (LEXO KËTU)
Mësohet se Xhepa ka pasur problem me familjarët e bashkëshortit të saj, i cili tashmë nuk jeton më, dhe kjo është një nga pistat ku po heton dhe policia. Ka dyshime për një konflikt me saj dhe kunatit Dashamir Xhepa, i cili është shpallur në kërkim nga ana e policisë si i dyshuar kryesor për ngjarjen.
Në trupin e viktimës u konstatuan plagë të shumta, që ishin shkaktuar nga tre plumba si dhe sende të forta. Dyshohet se 49-vjeçarja është vrarë në një vend tjetër, dhe më pas është hedhur në mjedisin kodrinor, pranë zonës ku banonte.
Banorët e zonës janë shprehur se ajo ishte një grua e nderuar, dhe gëzonte respektin e të gjithë atyre që e njihnin.
Trupi i saj u konstatua nga banorët e zonës, të cilët lajmëruar policinë përmes një telefonate. Grupi hetimor vijon hetimet për ngjarjen dhe shkaqet që çuan në këtë vrasje makabre.
