Gazetari sulmon ish-presidentin: Moisiu është dëshmi e mediokritetit! 

Gazetari i njohur Klodian Tomorri, ka reaguar ashpër pas deklaratave të ish-presidentit Alfred Moisiu për Mehmet Shehun.

Sipas Tomorrit, ish-presidenti është një njeri mediokër që thur lavde për kriminelë.

“Moisiu si dëshmi e mediokritetit 
Aty nga vitet 2005-2006 media shqiptare dhe shoqëria civile shpallën heroin e Shqipërisë moderne Alfred Moisiun. Motivacioni ishte se Alfredi kishte shpëtuar kombin nga Berisha.

Sot Moisiu del e thur lavde publikisht për një kryekriminel si Mehmet Shehu, i cili ka ekzekutuar sa e sa bij nënash të pafajshëm. Tani pikëpyetja e madhe është se kush nga këta është më i zoti në fushën e tij: 
Mehmeti si kriminel apo Fredi si mediokër?”, shkruan gazetari.

Në një intervistë për gazetën Dita, ish-presidenti Moisiu u shpreh se Shqipëria nuk ka patur deri më tani një kryeministër të dytë si Mehmet Shehu.(D.D/Shuplaka)