Ylli britanik i muzikës, George Michael, i cili vdiq ditën e Krishtlindjeve në afërsi të qytetit të Londrës, mësohet se ka qenë një bamirës i jashtëzakonshëm. Ai ndihmonte njerëz të panjohur dhe duke bërë gjeste filantorpike për të cilat insistonte që të mbesinin sekrete.
Këngëtari me origjinë greke nga Qipro ka bërë bamirësi edhe pas luftës në Kosovë, duke dhuruar personalisht gjysmë milionë sterlina. Duke njoftuar lajmin e donacionit, “The Guardian” e Londrës më 17 shtator të 1999 e citon George Michael të ketë thënë se “drama e kosovarëve të larguar me forcë nga shtëpitë e tyre është arsyeja kryesore për vendimin për të mbështetur koncertet e bamirësisë NETAID”, shkruan Top Channel.
Po kështu ai mori pjesë në koncertin e zhvilluar në “Wembly” më 9 tetor të atij viti, koncerte që u zhvilluan “live” njëkohësisht në Londër, Nju Jork dhe Gjenevë, për të ndihmuar krizën e refugjatëve të luftës. George Michael theksonte se shumë refugjatë janë rikthyer në Kosovë pa shtëpi e pa punë dhe nuk e perballojnë dot dimrin e ashpër.
Shtypi britanik këto ditë është i mbushur me aktet e tij të bamirësisë dhe ndihmën që ai ka dhënë për njerëz të panjohur në shuma të mëdha financiare sepse dikush ishte në borxh apo se dikë e pa në televizor se nuk përballonte një trajtim mjekësor për të lindur fëmijë. (J.V/Shuplaka)
Discussion about this post