Greqia njoftoi të hënën një strategji kombëtare për të trajtuar varësinë nga interneti dhe përdorimin e tepërt të mediave sociale tek të miturit, njoftoi agjencia shtetërore e lajmeve AMNA. Si pjesë e një strategjie kombëtare për mbrojtjen e të miturve në internet, Mitsotakis prezantoi një platformë të kontrollit prindëror për të ndihmuar prindërit të aktivizojnë kontrollet e para-instaluara në pajisjet celulare, të kufizojnë kohën para ekranit dhe të bllokojnë përmbajtjen e papërshtatshme.
Unë dyshoj se një ndalim total i mediave sociale është zgjidhja,” tha Mitsotakis, duke theksuar rolin kryesor të prindërve në menaxhimin e aktiviteteve të fëmijëve të tyre në internet. “Prindërit duhet të vendosin kufij në internet, ashtu siç bëjnë në fusha të tjera të edukimit”, shtoi ai.
Një fazë e dytë e strategjisë, e nisur pranverën e ardhshme, do të prezantojë një platformë të re për të verifikuar moshat e fëmijëve që përdorin mediat sociale dhe për të përmirësuar kontrollet prindërore për të monitoruar ndërveprimet në internet.
Qeveria greke planifikon gjithashtu të bashkëpunojë me shtetet e tjera anëtare të Bashkimit Evropian dhe kompanitë e teknologjisë për të promovuar rregulloret për përmbajtjen online për të miturit në nivel evropian.
Në përputhje me këto përpjekje, Greqia ndaloi telefonat celularë në klasa në fillim të vitit shkollor në shtator.
