Shtetet e Bashkimit Evropian nisen të hënën takimin në Luksemburg për çeljen e negociatave të pranimit në BE me Shqipërinë dhe Maqedoninë e Veriut. Krejt i paparashikuar ishte vendimi i Qipros e cila kërcënoi se do vërë veton për çdo marrëveshje mbi zgjerimin e ardhshëm, nëse BE nuk ndjek një politikë të ashpër me Turqinë kundër shpimeve në det të hapur në Mesdhenun lindor, që qeveria greke qipriote thotë se shkel zonën e saj ekskluzive tregtare.
Procesi i çeljes së negociatave, shkruan Reuters, ishte bllokuar nga Franca dhe Holanda duke kërkuar më shumë reforma. Maqedonia e Veriut që prej asaj kohe ka nënshkruar një marrëveshje të rëndësishme me Greqinë, duke i dhënë fund mosmarrëveshjes së emrit prej dhjetëvjeçarësh dhe duke bërë që një duzinë shtetesh të BE-së të bëjnë publike thirrjen për shpërblimin e Shkupit.
Në rrezik është edhe besueshmëria e BE-së dhe vullneti i bllokut për të vepruar kundër asaj që e sheh si një ndikim në rritje të Rusisë dhe fuqive të tjera të huaja në rajon. Por diplomatët kombëtarë që përgatitën takimin e së martës nuk mundën të arrijnë një marrëveshje mbi një deklaratë të përbashkët ligjore, e cila ka nevojë për mbështetjen unanime të të gjitha shteteve të BE-së që të miratohen.
“Ka pasur një mosmarrëveshje masive dhe nuk është aspak e sigurt se sot ministrat e jashtëm të BE-së të jenë në gjendje të gjejnë një marrëveshje”, tha një diplomat i BE-së. U arrit dakortësia vetëm për tekstin e fundit të draftit ku thuhet se zgjerimi do të varet gjithashtu nga aftësia e BE-së për të reformuar veten dhe për të integruar në mënyrë efektive çdo anëtar të ri. Drafti i fundit – por ende i diskutueshëm – i cili u zbulua nga Reuters, do të shtyjë çdo vendim mbi Maqedoninë e Veriut dhe Shqipërinë deri në tetor dhe pasi parlamenti gjerman do të shqyrtojë çështjen.
