Padyshim që dita e sotme është nisur me dy lajme jo të mira për shqiptarët e rajonit. Presidenti Ivanov del qartësisht haptazi kundër shqiptarëve në Maqedoni. Ai nuk e ka mandatuar Zaev për qeverinë e re.
Nga ana tjetër gjykata në Colmar të Francës ka vendosur që të shtyjë marrjen e vendimit përfundimtar për Ramush Haradinajn.
Për vendimin e Maqedonisë kanë reaguar njëzëri të gjithë politikanët shqiptarë, brenda dhe jashtë vendit. Një prej tyre ka qenë para pak minutash edhe Hashim Thaçi. Po nga ana tjetër lideri kosovar nuk ka thënë asgjë për vendimin për Haradinaj.
‘’Zhvillimet politike në Maqedoni janë shumë shqetësuese. Presidenti Ivanov abuzoi me Kushtetutën dhe ligjet në qasjen e tij armiqësore e antishqiptare, që përbëjnë një të tretën e qytetarëve të këtij shteti.
Me vendimin e tij, presidenti Ivanov varrosi demokracinë, duke mos njohur vullnetin e qytetarëve, Kushtetutën dhe ligjet, si dhe varrosi Marrëveshjen e Ohrit.
Shqiptarët në Maqedoni janë popull shtetformues dhe Maqedonia duhet të jetë shtet i të gjithë qytetarëve të saj.
Pa të drejta të barabarta të shqiptarëve në Maqedoni, humb kuptimi i funksionimit të shtetit të Maqedonisë.
Në fund, shqiptarët duhet të marrin fatin e të drejtave të tyre në duart e veta’’, ka shkruar Haradinaj. (E.K/SHUPLAKA)
Discussion about this post