Një i burgosur në shqiptar në burgun e Domokos në Greqi, ka kryer aktin më human që mund të bënte që atje ku ndodhej prapa hekurave, duke bërë që gjithë mediat greke të flasin për të.
8-vjeçarja Evangelia Kastrinaki nga Agia Marina është kthyer në persozhin më të dashur, që ka përlotur mijëra njerëz.
Vogëlushja vuan nga kanceri dhe gjendja e saj është mjaft e rëndë, saqë është e detyruar që të udhëtojë nga Kreta për në Britani të Madhe, për të marrë një trajnim më të specializuar. Mirëpo familjarët e saj nuk kanë para mjaftueshëm për të përballuar shpenzimet e udhëtimit dhe të mjekimit.
Kështu, dhjetra njerëz të njohur dhe të panjohur kanë kontribuar me para për të bërë të mundur transferimin e Evangelia-s në Britani.
Në një television të Kretës, gjyshi i 8-vjeçares Giorgos Kastrinakis ka falenderuar të gjithë kontribuesit për ndihmën e tyre, ku ka zbuluar se mës tyre bën pjesë edhe shqiptari i burgosur Alket Rizai.
Ky i fundit nga burgu ka arritur të bindë edhe të burgosurit e tjerë dhe ka mbledhur para nga të gjithë ata, për të ia dhuruar vogëlushes. Rizai ka kërkuar që të merret vendim ministror që të transferohen lekët në mënyrë legale.
Ai i ka telefonuar babait të evangelisë, për ta vënë në dijeni se ka mbledhur lekë nga të gjithë të burgosur për të ndihmuar vogëlushen.
Pas transmetimit të edicionit të lajmeve, ku u transmetua intervista, Alket Rizai është kthyer në të burgosurin hero për grekët. (D.D/Shuplaka)
Discussion about this post