Agim Hushi sulmon sot drejtorin e RTSH-së dhe ministren e Kulturës Mirela Kumbaro. Tenori Hushi e thotë se festivali ka patur një nivel muzike tallavaje dhe shkruan se nëse do të ishte pjesë e qeverisë do t’i kërkonte Thoma Gëllçit drejtorit të TVSH-së të jepte dorëheqjen për shkak se ka rënë shumë niveli i këtij festivali.
I papritur ka qenë edhe sulmi ndaj Mirela Kumbaros, indirekt, teska e quan ”Dylqinën e Kulturës”.
“Më së fundmi, pas 25 vitesh mungesë pata rastin të ndiqja nga ekrani festivalin e 55 të RTSH.
Ish tempulli i muzikes së lehtë shqiptare për fatin tonë tragjik ia kishte kaluar edhe tallavas për nga niveli i rënies së lire. Sinqerisht do t’i kërkoja Thoma Gellçit të jepte dorhëqjen po të isha dikush në qeverinë e Rilindjes. Natyrisht këtë se pres prej Dylqinës tonë të kultures, që numëron veç suksese dhe që tashmë po shtron rrugën drejt parlamentit të ardhshem për ta ndritur dhe politiken”, shkruan Hushi.
Njëkohësisht ai nuk ka lënë pa komentuar edhe prezantuesit e këtij festivali Ledina Çelon dhe Kasemin. Për Agimin prezantimi i këtyre të dyve ishte një mjerim i dhimbshëm.
“Më erdhi vërtet keq për Kasemin dhe dramën e tij personale: vënien e tij në një skenë të tillë plot përgjegjesi ku me gjithë “suksesin e tij berlinez” siç e quajti ai veten e tij, ishte nje mjerim i dhimbshën. Prezantuesja bjonde që solli në skene një vetsiguri tragjike, aq sa nuk iu drodh syri të hynte në skene jo vetëm me mbathje, (mbuluar me tyl në fakt)”, shkruan ai.
Më tej ai shtoi se kjo ishte padyshim një tregues se sa e papërgjegjshme ishte ajo skenë, sa poshtë kishte rënë tempulli shqiptar i muzikës së re. Hushi theksoi se edhe performacat e këngëtarëve të linin për të dëshiruar dhe se dështimi muzikor ishte i ndjeshëm.
“E turpshme, e pafalshme, e patolerueshme profesionalisht të mos jenë me krijimtarin, praninë në Juri apo asistencën e tyre profesionale Limoz Disdari, Shpëtim Kushta, Enver Shëngjergji, Agim Krajka e plot të tjerë. Ku është Irma Libohova, Myfare Laze, Manjola Nallbani…..”, thotë mes të tjerash ai. (J.V/Shuplaka)
Discussion about this post