Anëtari i Kryesisë së Partisë Demokratike, Jamarbër Malltezi ka komentuar arrestimin e Hermes Nikës njohur ndryshe si “Zogu I Tiranës”, pasi dyshohet për përfshirje në shfrytëzim prostitucioni.
Malltezi ka publikuar një lajm ku tregohet se Nikaj përfitonte 700 Euro nata dhe shumë prej klientëve të zgjedhur ishin edhe diplomatë të huaj.
Zyrtari i PD-së shprehet se i arrestuari e paska pësuar se hyri në monopolin e kryeministrit Rama duke e quajtur product ekskluziv të këtij të fundit dhe të ‘Mjaft’-it.
“Ky zogu e paska pesuar se hyri ne monopolin e Rames: seks ne grup me diplomatet e huaj eshte produkt ekskluziv i Rames dhe Mjaftit”, shkruan Malltezi.
Policia e Shtetit ka dhënë njoftimin zyrtar për arrestimin e Hermes Nikajt, të njohur edhe si “Zogu Tiranës”. Pas një hetimi gati 1-vjeçar, është finalizuar operacioni “Your Turn”, që ka çuar në arrestimin e Nikajt dhe 3 personave të tjerë. Në gjendje të lirë janë proceduar dy shtetase 20 e 32 vjeçare banuese në Tiranë, të dyshuara për kryerjen e veprës penale të “Prostitucionit”.
4 personat janë arrestuar në ambientet e një hoteli në autostradën “Tiranë-Durrës“.
Hermes Nikaj, 28 vjeç, banues në Tiranë, i dyshuar për kryerjen e veprës penale të “Shfrytëzimit të prostitucionit” dhe “Prostitucionit”.
A. Gj., 47 vjeç, banues në Mamurras-Kurbin, i dyshuar për kryerjen e veprës penale të “Prostitucionit”.
A. B., 43 vjeçe, banuese në Tiranë, e dyshuar për kryerjen e veprës penale të “Shfrytëzimit të prostitucionit”.
A. N., 43 vjeç, lindur në Fier dhe banues në Kanada, i dyshuar për kryerjen e veprës penale të “Prostitucionit”.
Nga hetimet e deritanishme të kryera rezulton se Hermes Nikaj, siguronte femra të ndryshme për klientë të interesuar për prostitucion, duke i dërguar ato në banesa ose hotelet sipas kërkesave të klientëve kundrejt përfitimit monetar që varionte nga 10.000 deri 20.000 lekë për 2 orë.
Ndërsa shtetasja A. B., nëpërmjet qendrës së saj estetike fillimisht punësonte femra si kursante ose si parukiere dhe më pas i rekrutonte ato për prostitucion duke i dërguar ato në banesa ose hotelet sipas kërkesave të klientëve kundrejt përfitimit monetar që varionte nga 500 deri në 700 Euro nata.
Nga hetimet e deritanishme ka rezultuar se ka patur edhe shumë raste të tjera që shtetasit e lartpërmendur kanë dërguar femra në hotele dhe banesa të ndryshme në qytetin e Tiranës dhe qytete të tjera, ku po punohet për dokumentimin e tyre.
Janë sekuestruar në cilësinë e provës materiale: 2 fuoristrada të markës BMW, 10 aparate celular të markës I-Phone, Black Berry, Samsung dhe LG, dhe një sasi lekësh, euro dhe dollarë.
(F.GJ/FAXWEB.AL)
Discussion about this post