Një 48 vjeçar ka përfunduar në prangat e policisë së Tiranës ditën e sotme pasi ishte shpallur në kërkim ndërkombëtar për trafikim të lëndëve narkotike.
Në kuadër të operacionit “Milano”, është bërë i mundur ndalimi i 48 vjeçarit, B. U., , i cili ishte shpallur në kërkim ndërkombëtar, pasi autoritetet gjyqësore në Milano të Italisë, i kishin caktuar masën e sigurisë “Arrest në burg”, për veprat penale “Trafikimi i lëndëve narkotike” dhe “Organizata kriminale”, parashikuar nga Kodi Penal i Italisë.
Kapja e tij u krye në bashkëpunim me Interpol Tirana, e cila po vijon proceduart për ekstradimin e tij drejt Italisë.
Njoftimi i Policisë:
Tiranë
Finalizohet nga Seksioni i Kërkimit i DVP Tiranë, operacioni policor i koduar “Milano”.
Kapet dhe vihet në pranga, me qëllim ekstradimi, 1 shtetas i shpallur në kërkim ndërkombëtar për veprat penale “Trafikimi i lëndëve narkotike” dhe “Organizata kriminale”.
Shërbimet e Seksionit të Kërkimit të DVP Tiranë, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, kanë organizuar dhe finalizuar operacionin policor të koduar “Milano”, si rezultat i të cilit u bë kapja dhe arrestimi provizor, me qëllim ekstradimin drejt Italisë, i shtetasit:
– B. U., 48 vjeç, banues në Tiranë.
Ky shtetas ishte shpallur në kërkim ndërkombëtar, pasi autoritetet gjyqësore në Milano, Itali, i kanë caktuar masën e sigurisë “Arrest në burg”, për veprat penale “Trafikimi i lëndëve narkotike” dhe “Organizata kriminale”, parashikuar nga Kodi Penal i Italisë.
Interpol Tirana vijon procedurat për ekstradimin e këtij shtetasi drejt Italisë.
