Megjithëse është në kërkim nga policia, pas hetimit të hapur nga Prokuroria e Përgjithshme për shpërdorim detyre lidhur mbi dëmet e shkaktuara nga tërmeti, ish-kreu i Aluiznit në Durrës, Flamur Gjuzi ka sfiduar policinë.
Me anë të një postimi në rrjetet sociale, Gjuzi i ka shprehur nga arratia ngushëllimetfamiljes së mikut të tij që humbi jetën një ditë më parë.
Gjuzi ka zgjedhur rrjetin e tij social Facebook për të sfiduar drejtësinë, për të bërë homazhe për ndarjen nga jeta e mikun e tij të ngushtë.
Në mesazhin e tij ish kreu i ALUIZNI-t i kërkon ndjesë që nuk ishte personalisht ti japë lamtumirën fundit, por shton se “ky është realiteti me të cilin jetojmë në këtë botë”.
‘Zoti po merr të mirët.
Pas Gencit sot u përcoll në banesën e fundit shoku, miku, vëllai tjetër i imi, Ilir Tanko. Më fal që nuk mund të isha pranë të të thosha lamtumirë sot, por ja që ky është realiteti në këtë botë që jetojmë. Lamtumirë Ilir, Ilirjan Tanko, në zemrën e të gjithë miqve që të deshën vërtetë do të jetosh përgjithmonë. Qofsh i xhenetit vëllai im.’ shkruan Gjuzi.
