Kryetari i Partisë Drejtësi, Integrim dhe Unitet, Shpëtim Idrizi, së bashku me deputeten e PDIU-së, Mesila Doda dhe kryetarin e Shoqatës “Çamëria”, kanë zhvilluar dje një takim me përfaqësues nga Presheva, Bujanoci dhe Medvegja.
Mësohet se të pranishëm në takimin e organizuar, ishin Riza Halimi ish-deputet shqiptar në parlamentin serb, Shaip Kamberi, kryetar i Komunës Bujanoc dhe Xhelal Mehmeti zv/kryetar i Komunës Preshevë.
Në fjalën e tij, Idrizi shprehu nevojën për rritjen e bashkëpunimit me shqiptarët që jetojnë jashtë kufijve dhe rritjen e e trysnisë në mënyrë që shqiptarët e Preshevës, Bujanocit dhe Medvegjës të kenë më shumë të drejta në territorin ku jetojnë.
““Ne nuk duam që historia të përsëritet për shqiptarët, ashtu siç ndodhi me shqiptarët e Çamërisë. Pra, pamundësia për të jetuar aty, t’i detyrojnë për ta braktisur atë vend.”, tha ndër të tjera Idrizi.
Ndërsa përfaqësuesit nga Presheva, Bujanocit dhe Medvegjës kërkuan mbështetjen e deputetëve të PDIU-së për projektin e autostradës që është realizuar nga Durrësi deri në Prishtinë dhe do të vijojë deri në Serbi. Ata kërkuan që kjo rrugë të përshkruajë territorin e Medvegjës. Idrizi dhe Doda u shprehën se do të mbështesin këtë projekt. (XH.A/SHUPLAKA)
