Zëdhënësi i Presidentit, Tedi Blushi me anë të një postimi në rrjetet sociale njofton se, Ilir Meta do të organizojë një tubim mbarëpopullor në Sheshin “Demokracia” në Qytetin Studenti.
Sipas tij, ky tubim do të zhvillohet në 8 Dhjetor pikërisht në “Ditën e Rinisë’ ndërsa thekson se do të zhvillohet pikërisht aty ku dhe nisi Lëvizja Studentore e viteve ’90.
Sipas Blushit, kjo do të bëhet në kuadër të nisjes së dialogut për Shqipërinë.
“Në 8 dhjetor 2019, në DITËN E RINISË, Presidenti i Republikës Sh.T.Z Ilir Meta organizon në Sheshin “Demokracia” në Qytetin Studenti, aty ku dhe nisi Lëvizja Studentore e viteve ’90, një tubim mbarëpopullor që synon Nisjen e një Dialogu me Shqipërinë!
SHQIPËRIA E PARA! ??”, shkruan Tedi Blushi.
Kujtojmë se kjo lëvizje e Metës vjen në një kohë kur vendi ndodhet në kulmin e krizës politike, ndërsa më herët ka bërë thirrje pë refrendum popullor lidhur me ngërçin që është krijuar sidomos pas emërimeve të para në Gjykatën Kushtetuese.
Presidenti i Republikës zbret në shesh me njerëzit për t’u njohur me qëndrimin e tyre ndaj situatës në të cilën ndodhet vendi dhe kjo në një ditë me simbolikë mjaft të rëndësishme për historinë e pluralizmit politik në Shqipëri
(F.GJ/FAXWEB.AL)
