Kryetari i PD-së Sali Berisha, po mban një vizitë në Kavajë me rastin e rënies së 35-vjetorit të rënies së Dëshmorit të Parë të Demokracisë, Josif Budo. Në ceremoninë e inaugurimit të shtatores së Josif Budos në qendër të qytetit, është i pranishëm edhe Ervin Salianji, i cili sapo ka dalë nga burgu i Fierit.
Gjatë fjalës së tij, Salianji tha se sot po flet jo vetëm si një politikan por edhe si një individ që sapo ka dalë nga burgu.
“Jam i nderuar të më jepet rasti të flas në këtë inaugurim dhe zemra më thotë të flas si qytetar, përveçse si politikan. Si një individ që sapo përfundoi njohjen me burgun jo si metaforë por si realitet në diktaturën e re. Një izolim ku jeta numërohet me orë, por me durim me heshtje dhe qëndresë. Sot nuk përcjellim thjesht kujtimin e një njeriu, as nuk po qëndrojmë një heshtje përballë një drite që nuk u shua dot, ndonëse u godit me errësirën më të dendur. Josif Budo nuk ra nga rastësia. Ai doli të kërkonte liri, drejtësi. Josifin nuk e mori jeta, kishte guximin të mos pranonte padrejtësinë dhe mungesën e lirisë si simbol i çdo qytetari të Kavajës që nuk pranon të nënshtrohet dhe ështëe në ballë të përpjekjeve për liri. Të mos pranonte të jetonte në gjunjë, në një vend ku vetë fjala të kushtonte jetën.”, tha Salianji.
