Po rikthehet në Shqipëri AH1N1, i njohur ndryshe si gripi i derrit. Instituti i Shëndetit Publik ka dhënë informacione në lidhje me situatën gripale në vend në këto muaj të ftohtë dimri. Silva Bino, shefja e departamentit të sëmundjeve infektive në Institutin e Shëndetit Publik ka dalë në një deklaratë për shtyp, ku ka treguar se është shtuar numri i pacientëve me virozat e stinës.
Sipas saj, në vend po qarkullon virusi gripal i tipit B, i cili po shkakton infeksione në rrugët respiratore. Veç kësaj, në laborator janë tre monstra të analizuara me virusin AH1N1, ose siç njihet në gjuhën popullore virusi i derrit.
“Tani kemi analizuar mostrat e para me virusin e tipit AH1N1. Janë vetëm tre mostra të analizuara në laborator. Nga analizat po vëmë re që po qarkullojnë viroza të tjera që shkaktojnë infeksione në rrugët respiratore. Qytetarët janë ende në kohë të bëjnë vaksinën antigrip. Jemi në pragun epidemik,”- është shprehur ajo.
(F.M/Faxweb)
Discussion about this post