Një situatë dramatike ka përfshirë vendin tonë gjatë 24 orëve të fundit ku si pasojë e përmbytheve shumë persona përveç se kanë humbur gjithçka nga ana materiale, si shtëpi, biznese e tjerë, edhe jeta e tyre ka qenë në rrezik.
Dhjetëra njerëz janë evakuuar nga Forcat e Armatosura të cilat kanë shkuar në ndihmë të popullatës civile të rrezikuar nga reshjet e përmbytjet.
Sot një nënë me vajzën 3 vjeçe u evakuuan me helikopter nga ushtria pasi shtëpia ishte rrethuar nga uji më fshatin Mallkuç në rrethin e Krujës.
“Nëna dhe vajza e saj 3-vjeçare nga fshati #Mallkuç mbërritën shëndoshë e mirë pranë të afërmve të tyre falë përkushtimit të rrallë të këtyre djemve! Dashuri të tillë për jetën gjen vetëm në Forcat e Armatosura të Shqipërisë!”, shkruan Ministrja Xhaçka në rrjetet sociale. (B.H/Faxweb)
