ISIS nuk ndalet, paralajmëron sulme të reja në Turqi. Mes objektivave dhe “Xhamia Blu” e Stambollit

Shteti Islamik është zotuar të vazhdojë sulmet në Turqi. Ky reagim vjen pas arrestimit dy ditë më parë të autorit të sulmit në Stamboll ku humbën jetën 39 persona dhe u plagosën 69 të tjerë.

ISIS ka kërcënuar së fundmi se do të kryejë të tjera sulme në Turqi. Këtë lajm, ai e ka bërë me dije përmes një video ku terroristët shfaqen në rrugët e Stambollit.

Në video shfaqet një militant i veshur me të zeza, me fytyrë të mbuluar, duke ecur pranë monumenteve turistike të Stambollit plot me turistë.

Në mesin e vendeve që thuhet se do të sulmohen është edhe “Sultan Ahmed Mosque”, e njohur ndryshe si Xhamia Blu, një prej atraksioneve më të famshme të Stambollit.

Në vijim, xhihadisti bën thirrje për ta shndërruar Turqinë në një vend të betejës së zjarrtë. (XH.A/SHUPLAKA)