Prej të hënës klinikat dentare janë hapur, tashmë me masa të rrepta për klientët, të cilët gjatë gjithë kësaj kohe kanë pasur nevojë për trajtim dentar. Gazetarja e Fax news Fjona Çela ka qenë sot pranë një klinike dentare, ku stomatologu tha se masat e shtuara kanë çuar dhe në një rritje të shpenzimeve për ta.
“Problemi ishin trajtimet që i kishim lënë përgjysmë për shkak të pandemisë, një pjesë e njerëzve kanë qenë pa dhëmbë. Tani kemi marrë masat në bazë të urdhërit të Minsitrisë, dhe shpresojmë se gjithçka do të jetë mirë dhe për pacientët. Kemi pasur shumë kërkesa dhe raste gjatë kohës kur kemi qenë të mbyllur, kemi marrë dhe leje për pacientët që kanë pasur dhimbje urgjente.
Në kuadër të masave ne kemi marrë për mbrojtjen tonë dhe të pacientëve, kemi vendosur maska, skafandra, kanë një kosto ekstra për klinikat stomatologjike, por kjo barrë nuk do ti lihet pacientëve. Çmimet nuk do të lëvizin, dhe do të paguhen prej nesh. Si çdo biznes, edhe ne kemi problematikat tona, do përpiqemi që të shërbejmë në kushte të mira optimale.
Në klinikë jemi munduar që të mos mbajmë më shumë se një pacient në holl, iu kemi kërkuar që të mos vijnë me persona të shoqëruar, përveç rastit të fëmijëve. Unë mendoj se gjithçka do të jetë korrekte”, u shpreh dentisti.
Discussion about this post