Gazetarja, Klodiana Lala në emisionin “Pikat mbi i” ka dhënë detaje lidhur me ish anëtarin e bandës së Niklës Marklen Hakës ndaj të cilit u bë edhe një antentat pak kohë më parë.
Ajo zbuloi se shtetasit Marklen Haka i ishte ofruar statusi I bashkëpunëtorit të drejtësisë, duke u penduar për krimet e bëra. Por pavarësisht përpjekjeve të bëra për të bindur ish anëtarin e bandës së Niklës, ky i fundit nuk kishte pranuar te jepte emra pasi mendon se ka një rrugëdalje tjetër nga kjo çështje.
Klodiana Lala: Marklen Haka i mbijetoi një atentati të dytë të mirëorganizuar në Nikël. Ai thotë shumë për botën e krimit, sidomos në një vend si Nikla ku edhe policia e ka të vështirë të hyjë. Haka nuk e pranoi statusin e bashkëpunëtorit të drejtësisë.
Mendon Akoma se ka një rrugëdalje. Zheji tha që kriminelët që vendosin të pendohen e bëjnë për dy arsye: e para se duan të shmangin një dënim maksimal dhe së dyti duan të shpëtojnë familjen.
Kur Hakës iu ofrua statusi, njeriu që ia ofroi i tha: keni një vëlla të vrarë dhe një baba të moshuar, nuk keni asnjë gjë për të humbur. Ai nuk pranoi të nxirrte emrat.
Nuk e bëri këtë gjë se realisht mendon se ka një rrugëdalje. Mendoj se do të jetë sërish në shënjestër.
Discussion about this post