Deklaratat e kryeministrit grek Kyriakos Mitsotakis se vendi i tij nuk do ta mbështesë Shqipërinë në rrugën e integrimit në BE nëse nuk respekton të drejtat e minoritetit, ka shqetësuar me sa duket jo pak qeverinë shqiptare dhe kryetarin e saj.
Së shpejti është planifikuar një takim në kuadrin e punimeve të Asamblesë së Përgjithshme të Kombeve te Bashkuara në New York ku të pranishëm do të jenë edhe liderët e Ballkanit.
Ndërkohë, mediat greke konfirmojnë takimin mes dy kryeministrave të Shqipërisë dhe kryeministrit të ri grek.
Mësohet se edhe vende dhe lider të tjerë të rajonit kanë dërguar kërkesat e tyre për tu takuar me kryeministrin e ri grek, dhe mes tyre është edhe Edi Rama dhe nëse do të zhvillohen këto takime, do të jenë individuale.
“Greqia është kundër hapjes së negociatave me Shqipërinë. Greqia nuk do të mbështesë bisedimet për anëtarësim për Shqipërinë derisa të ketë ndryshime në trajtimin e minoritetit etnik”, citojnë mediat greke të jetë shprehur kryeministri i vendit fqinj.
Kushti i Mitsotakis për të dhënë votën pro Shqipërisë është trajtimi i minoritetit grek në vendin tonë.
(F.GJ/FAXWEB.AL)
Discussion about this post