Ministri i Jashtëm i Greqisë, Nikos Kotzias ka fajësuar presidentin e Turqisë Rexhep Taip Erdogan për përshkallëzimin e tensioneve kohët e fundit mes dy vendeve.
Në një intervistë për gazetën gjermane Spiegel, Kotzias tha se lideri turk ka hyrë në një fazë nervozizmi, duke e akuzuar atë për arrogancë duke menduar se mund të bëjë çfarë të dojë në rajon. Ai tha se nuk ka çështje për ndryshimin e kufijve mes Turqisë, sepse ekziston sundimi i të drejtës ndërkombëtare, shkruan Ekathimerini.
Marrëdhëniet mes Athinës dhe Ankarasë janë tensionuar më së shumti që prej burgosjes së dy ushtarëve grekë në Turqi dhe arratisjes në Greqi të 8 ushtarëve turq pas grushtetit të shtetit në 2016.
Në dallim nga gjuha e ashpër e ministrit të Mbrojtjes Panos Kammenos, Kotzias tha se Greqi duhet të mbetet e qetë. Ai shtoi se sjellja e Turqisë ka ndryshuar që nga përpjekja e dështuar e grushtetit të shtetit për të përmbysur Erdogan në 2016.
Kujtojmë që Ministria e Mbrojtjes së Greqisë njoftoi se fundi se avionët luftarak grek kishin dëbuar nga hapësira ajrore greke një avion zbulues tur pa pilot.
Marrëdhëniet mes Greqisë dhe Turqisë janë shumë të tensionuara së fundi pasi Turqia kërkon rishikimin e traktatit të Lozanës. (B.H/Fxaweb)
Discussion about this post