KQZ-ja nis shpërndarjen e materialeve të votimit në KZAZ-të e rretheve

Fletët e votimit dhe materialet e tjera zgjedhore kanë nisur të shpërndahen në rrethe. Ky ka qenë lajmërimi i bërë sot nga zëdhënësja e KQZ-së.

Sipas saj fletët e votimit kanë mbërritur në vendin tonë që prej ditës së shtunë dhe administrata e KQZ-së në bashkëpunim me Ministrinë e Mbrojtjes do të bëjë të mundur dhe shpërndarjen e tyre në KZAZ-të e rretheve.

“Ditën e shtunë në 17 Qershor me mbërritjen e fletëve të votimit të zgjedhjeve në Lundër, KQZ ka bërë gati të gjithë mjetet e nevojshme.

Sot ka nisur shpërndarja e materialeve nga KQZ-ja drejt KZAZ-ve. Materialet po shpërndahen sot në të sumicën e qarqeve të vendit. Ditën e mërkurë materialet do të shpërndahen dhe në Durrës, Tiranë, Lezhë dhe Dibër. Është e nevojshme që të merren të gjitha masat pranë KZAZ-ve vendore”, deklaroi zëdhënësja. (E.K/SHUPLAKA)