Kryetari i Bashkimit Demokratik për Integrim, Ali Ahmeti, ka ftuar drejtuesit e të gjitha partive të tjera shqiptare në Maqedoni që t’i bashkohen një takimi të përbashkët të organizuar prej tij.
Lajmi konfirmohet nga burime të brendshme të kësaj partie, të cilët kanë folur për agjencinë shtetërore të lajmeve “MIA”. Takimi pritet të mbahet nesër në ora 13:00, në Shkup.
Në qendër të takimit pritet të jenë zhvillimet politike në Maqedoni pas zgjedhjeve të parakohshme parlamentare të 11 dhjetorit.
Deri më tani, asnjë parti shqiptare nuk ka konfirmuar nëse do të dërgojë përfaqësues zyrtar në takimin e organizuar prej Ahmetit.
Vetëm “Lëvizja Besa” ka njoftuar se do të mendohet njëherë përpara se të pranojë ftesën e udhëheqësit të BDI-së.
Një ditë më parë, Menduh Thaçi dha dorëheqjen nga posti i kryetarit të Partisë Demokratike Shqiptare. (A.R/SHUPLAKA)
Discussion about this post