Ka përfunduar takimi i orës 16:00 në Superligën shqiptare mes Kukësit dhe Korabit. Kuksianët kanë arritur ta fitojnë takimin me përmbysje, skuadra e Korabit kaloi e para në avantazh në minutën e 7 me anë të Kaloshit.
Kukësi e kërkoi me këmbëngulje golin e barazimit dhe në minutën e 33 sulmuesi Pero Pejiç arrin të barazojë. Në pjesën e dytë Kukësi e vazhdoi me të njëjtin ritëm dhe në minutën e 63 arriti të shënoi përsëri me anë të penalltisë ku shënues ishte përsëri Pejiç.
Golin e tretë për Kukësin kroati e shënoi në minutën e 84 duke e mbyllur përfundimisht takimin me rezultatin e përgjithshëm 1-3. Kukësi mban vendin e parë në tabelën e klasifikimit me 1 pikë diferencë nga Skëndërbeu dhe dy pikë nga Partizan.
Me Skëndërbeun kuksianët do të përballen javën e ardhshme, ndërsa ndeshjen e fundit do ta luajë në Gjirokastër ndaj Luftëtarit.
(B.H/Shuplaka)
Discussion about this post