Zinedine Zidane njoftoi papritur të enjten se nuk do të vazhdojë aventurën e tij të suksesshme me Realin e Madridit.
Trajneri francez ka një bilanc prej 3 Champions League, 1 kampionat spanjoll, 2 Botërorë Klubesh, 2 Superkupa Europe dhe 1 Superkupë Spanje në vetëm 2 sezone e gjysmë në krye të madrilenëve.
Pyetja që shtrohet tani është: kush do ta zëvendësojë atë?
Sipas mediave spanjolle, këta janë zëvendësuesit e mundshëm të Zinedine Zidane:
Joachim Low – Trajneri i Gjermanisë. Do të jetë e vështirë të largohet nga kombëtarja, por gjithçka do të shihet pas Botërorit
Mauricio Pochettino – Trajner i Tottenham. Ka kontratë deri në vitin 2023, por kur Reali troket në derë planet mund të ndryshojnë
Jurgen Klopp – Trajner i Liverpool. Ka zgjuar interesin e Realit që në vitin 2014, por në fund u zgjodh Rafa Benitez
Arsene Wenger – Ish-trajner i Arsenal. E ka refuzuar deri tani dy herë Realin. E treta e vërteta?
Guti – Trajneri i të rinjve të Realit. Ka deklaruar se është gati për skuadrën e parë.
