Lëvizja Rinore për Integrim zhvilloi një takim me të rinjtë e qytetit të Fierit, ku ka diskutuar në lidhje me Maturën Shtetërore.
Në fjalën e saj në këtë takim, kryetarja e LRI-së, Floida Kërpaçi u shpreh se Lëvizja Socialiste për Integrim do t’i mbështes maturantët për t’i dhënë atyre një shans për të ardhmen në Shqipëri. Ajo theksoi se të rinjtë kanë nevojë për një sistem arsimor që ofron shanse të barabarta për të gjithë dhe për një Maturë Shtetërore që jep zgjidhje, e jo ngërçe.
“Ajo që ne po punojmë fort është për një maturë e cila ofron shanse të barabarta, ofron shanset për të gjithë ju. Për Maturën Shtetërore që jep zgjidhje për të gjithë ju e që të jetë ajo e vetmja që të japë më shume shanse e t’ju japë mundësi për të ardhmen tuaj. Ju premtoj dhe ju garantoj që ne si LRI, padiskutim me mbështetjen më të madhe të Ilir Metës dhe të LSI-së, që çështjen e Maturës Shtetërore do ta ndjekim derisa kjo çështje të mos jetë më një ngërç”, – deklaroi Kërpaçi. (XH.A/SHUPLAKA)
