Liverpool-Bayern dhe Lyon-Barcelona do të jenë dy sfidat e mbrëmjes së sotme për kompeticionin Uefa Champions League.
Skuadra e Liverpool do të presë në shtëpi Bayern Munich, ku në formacion anglezët do të kenë disa mungesa të rëndësishme siç janë qendërmbrojtësat.
Van është i pezulluar dhe Lovren i dëmtuar, kështu që trajneri i Liverpool, Klopp do të vendosë mesfushorin Fabinho në krah të mbrojtësit Matip.
“Është një ndeshje e madhe dhe jam i lumtur që jam i përfshirë në të. Nëse nuk do isha do të kisha blerë me kënaqësi një biletë për të mos e humbur një Liverpool-Bayern. Gjermanët janë një skuadër vërtetë e fortë dhe me eksperience, por edhe ne jemi shumë të fortë. Duhet të japim 140%” shprehet trajneri i Liverpool, Jurgen Klopp.
Ndërkohë edhe për skuadrën e Bayern do të ketë mungesa, ku Muller do të mungojë sepse është i pezulluar dhe Robben e Boateng janë të dëmtuar.
“ 100% nuk do të jetë mjaftueshëm ndaj Liverpool. Nëse ata duan të japin 140% në fushë ne duhet të japim 150. Nuk mund të imagjinoj sonte një ndeshje pa gola” shpreht trajneri i Bayern, Niko Kovac.
Në ndeshjen tjetër, Lyon do të përballet në shtëpi me Barcelonën, skuadrën favorite për të fituar trofeun e Champions League.
Trajneri i Lyon thotë se duhet të kesh një skuadër të balancuar për të përballuar katalanasit, ndërsa trajneri i Barcelonës, Ernesto Valverde deklaron se do të jetë një ndeshje e vështirë në Francë.
Discussion about this post