Llalla i ‘shpëton’ sitës së Vettingut, një seancë e dytë e pret

Është shtyrë ditën e sotme, seanca e vetingut, për ish-kryeprokurorin Adriatik Llalla.

Shkaku i problemeve  me prokurën e përfaqësimit të paraqitur nga avokati, Komisioni i Posaçëm i Apelimit, është vendosur që të zhvillohet ditën e enjte.

Burimet për AbcNews, bëjnë me dije se avokati i Llallës është shprehur se ka plotësuar prokurën në zbatim të detyrave të lëna nga KPA.

Kujtojmë në seancën e kaluar, të zhvilluar në 16 Maj, trupi gjykues i KPA shtyu seancën pasi vlerësoi se prokura e paraqitur nga avokati i Llallës, Sokol Hazizaj kishte mangësi. Sipas KPA, Llalla nuk shprehet qartësisht vullnetin se Hazizaj mund të përfaqësonte në këtë proces.

Njëkohësisht, KPA vendosi rinjoftimin e Llallës për datën e seancës dhe procesin që po zhvillohet ndaj tij. “Të enjten do të paraqes prokurën. Në vijim të detyrimit që më ka dhënë Kolegji i Posaçëm i Apelimit, kam realizuar të gjitha detyrimet e kërkuara”, tha avokati në një kontakt pa dhënë detaje më të hollësishme.   (E.V/Faxweb.al)