Është bërë e zakonshme që në vendin tonë, protestat të kanalizohen në numra.
Ishin 5 apo 100 mijë, kjo është beteja sipërfaqësore që bëhet, pa u ndalur në kauzat reale që çojnë në shesh qoftë edhe një shqiptar të vetëm.
Edhe dje me protestën e PD-së dhe LSI-së, ndodhi e njëjta gjë. Ende pa shkuar në gjysmë të protestës, mediat e majta servirën fotot që sipas tyre tregonin dështimin e protestës. Fotot ishin marrë nga ajri, ndërsa nuk specifikohej orari kur ishin shkrepur.
Nga ana tjetër nga PD dhe media të tjera serviren të tjera pamje, të një sheshi më të mbushur, ndërsa ish-kryeministri Berisha e ka pasur dhe shifrën e tij. Sipas liderit historik të demokratëve në shesh kanë qenë 500 mijë vetë.
10 mijë apo 500 mijë, kjo pak rëndësi ka, protesta dje tregoi që ishte paqësore, dhe se gjithçka u mbyll pa asnjë incident. Sesi do të vijojë protesta opozitare na mbetet të presim.
(E.K/FAXWEB)
Discussion about this post