“Luli mund të rrijë kollovar në shtëpinë e vjehrrit, ç’të keqe ka”, ishte ky komenti i Arjan Curit në emisionin“Zonë e Lirë”, ndërsa po diskutohej për banesën e re në të cilën po qëndron kreu i opozitës Lulzim Basha.
“Pse Rama me vilë dhe Luli pa vilë? Nuk ka rëndësi kush e ka më të shtrenjtë apo jo. Ai është standardi. Luli i ka lekët, është njeri me lekë të madh, edhe të deklaruara, të legalizuara edhe të dhuruara nga ndonjë kundërshtar”, u shpreh Curri, duke shkaktuar të qeshura në studio.
Arjan Çani: Atë nuk e dimë.
Arjan Curi: E di unë. Ai që të prish, ai edhe të ndreq
Arjan Çani: Aa e ke fjalën për pallatin (I referohet dëmshpërblimit që vjehrri i Bashës ka marrë për pallatin që iu shemb në Vlorë)
Arjan Curi: Luli mund të rrijë kollovar në shtëpinë e vjehrrit se s’ka ndonjë gjë, ç’të keqe ka.
Prej disa ditësh kreu i selisë blu është përfolur se ka përfituar një vilë luksoze në një nga zonat me apartamente të shtrenjta në Tiranë, e cila i është dhuruar nga biznesmeni Agron Papuli, të cilin Basha e ka cilësuar oligark.
Sakaq nga PD është deklaruar se Basha po jeton përkohësisht me qira në këtë vilë, pasi banesa e tij është dëmtuar nga lëkundjet e tërmetit në 21 Shtator.
Discussion about this post