Një 27 vjeçar është gjetur i pajetë në ambjentet e paraburgimit në Korçë. Viktima Enea Ftoi ishte arrestuar 2 dit më parë për vjedhje me dhunë. Ndërkohë që familjarët e viktimës akuzojnë policinë, shkruan Fax Web.
Sipas tyre tre efektivë policie e dhunuan gjate arrestimit në flagrancë në Pazarin e qytetit.
“Kemi folur në telefon dhe na tha që ishte në gjendje të rëndë shëndetësore. Na e vrau djalin policia. Nuk ishte i sëmure. Ishte përdorues heroine. Policia na tha është mirë. Na e vranë. I kanë bërë gjilpëra. Edhe mbrëme kur i sollëm buken na thanë po fle. Ai ishte babai i tre fëmijëve të vegjël. Ka dëshmitare që është dhunuar në momentin kur u shoqërua.”
Familjarët e 27-vjeçarit shprehen se njoftimin e morën nga gjykata pasi sot ishte seanca për masën e sigurisë. Policia nuk kishte njoftuar asnjë nga familjarët.
Sipas policisë nga kqyrja e trupit nuk janë konstatuar shenja dhune dhe nga informacionet paraprake dyshohet se viktima, ka qenë përdorues i lëndëve narkotike.
https://www.youtube.com/watch?v=T1bSk1Srd0k&feature=youtu.be
https://www.youtube.com/watch?v=kX_toOmOLAA&feature=youtu.be%5C
Informacion paraprak.
Më datë 17.05.2018, jemi njoftuar se në dhomat e sigurisë në Komisariatin e Policisë Korçë, ka vdekur shtetasi Enea Ftoj, 27 vjeç, banues në Korçë, i arrestuar në datë 14.05.2018, për veprën penale “Vjedhja me dhunë”.
Nga kqyrja e trupit nuk janë konstatuar shenja dhune dhe nga informacionet paraprake dyshohet se viktima, ka qenë përdorues i lëndëve narkotike.
U ngrit grupi hetimor nën drejtimin e Prokurorit, për të përcaktuar shkaqet e vdekjes, si edhe për të kryer veprimet e nevojshme proceduriale.
(M.Q/Faxweb)
Discussion about this post