Pas lajmit për një shkarkim të mundshëm të tij nga detyra, vetë Ministri i Drejtësisë Ylli Manjani ka reaguar në orën 00:15 pas mesnate, përmes një statusi në Facebook për të shuar këto zëra.
Manjani e mohon kategorikisht që të jetë shkarkuar apo të ketë dhënë dorëheqjen dhe shton se as nuk e ka ndërmend ta bëjë një gjë të tillë.
Sipas ministrit, këto lajme qarkulluan në media për shkak të anullimit të një konference të parashikuar mëngjesin e së hënës.
“Mirëmbrëma, Miq e të njohur më informuan këtë mbrëmje të diele, që portalet kanë shkruar mbi dorëheqjen e më pas shkarkimin tim nga Qeveria. Këto lajme lidhen edhe me anulimin e një konference për shtyp timen.
Dëshiroj tu informoj se:
- Nuk kam dhënë dorheqje nga detyra! Smë ka shkuar ndërmend një gjë e tillë!
- Nuk kam asnjë njoftim zyrtar që të jem shkarkuar!
- Konferencën për shtyp e kisha thirrur për të anoncuar paketën e ndryshimeve në legjislacionin Penal pas dakortësimeve që kam marrë nga kolegët e mi ministra dhe aktorë të tjerë të interesuar!
E anulova këtë gjë për arsye thjesht shëndetësore! Natën e mirë!”, shkruan Manjani. (D.D/Shuplaka)
Discussion about this post