Sot në Maqedoni do të ketë rivotim të pjesshëm në një njësi votimi. Bëhet fjalë për Tearcën. Ai është hapur normalisht në orën 7 dhe pritet të përfundojë në orë 19.
Ndërkohë që duhet thënë se rivotimi nuk është pritur fare mirë nga partia e Nikolla Gruevskit, të cilët kanë paralajmëruar se nuk do të marrin pjesë në votime dhe rrjedhimisht nuk do t’i njogin këto zgjedhje të pjesshme. Partitë shqiptare ndërkohë nuk kanë shanse matematikore të ndryshojnë ndonjë mandate prandaj janë shprehur se qytetarët duhen lënë të lirë të shprehin vullnetin e tyre. LSDM shpreson shumë që në këtë zonë të marrë ajo një tjetër mandate duke ia hequr atë VMNRO-DPMNE-së. kjo do të çonte barazimin e të dyja partive me numra mandatesh.
Në vendvotimin 2011 në Tearce në Listën zgjedhore janë regjistruar gjithsej 714 votues. Më 11 dhjetor në votim kanë dalë 404 votues, prej të cilëve 91 kanë votuar për VMRO-DPMNE-në, 87 për LSDM-në, 65 për Lëvizjen për BESË, 64 për PDSH-në, 3 për BDI-në, 25 për Aleancën për shqiptarët dhe nga një për VMRO për Maqedoninë dhe Koalcionin për ndryshime dhe drejtësi – Blloku i tretë. (E.K/SHUPLAKA)
Discussion about this post