Një ditë pas krimit të 3-fishtë në Korçë që është ende duke u hetuar nga grupi hetimor, është zbardhur historia e njohjes së 41-vjeçarit Naum Toshi dhe 24-vjeçares Marsela, që më vonë do të bëhej bashkëshortja e tij.
Naum Toshi mësohet të jetë njohur me Marselën në Athinë, një periudhë mjaft e vështirë për të renë dhe djalin e saj. “GSH” shkruan se Marsela, në atë kohë rreth 19 vjeç, jetonte me të birin pa asnjë mbështetje dhe e divorcuar nga bashkëshorti i parë.
Naum Toshi i qëndroi pranë Marselës dhe u martua më pas me të, rreth 5 vite më parë, për tu bërë më pas prindër të një djali. Konfliktet në çift lindën kur e reja vendosi të punojë si kameriere në një lokal nate, vendim që 41-vjeçari nuk e pranoi kurrë.
Të afërmit shprehen se pavarësisht vendimit të 41-vjeçarit për tu kthyer në Shqipëri, gruaja e tij nuk e kishte harruar Greqinë dhe ishte larguar disa herë nga shtëpia me justifikimin se shkonte për të punuar. Konfliktet e vazhdueshme për këtë çështje, duket se e shtynë autorin e krimit të 3-fishtë të paramendonte krimin makabër, duke marrë në konsideratë se ai kishte lënë edhe një letër sqaruese për të atin, Andrea Toshi.
Discussion about this post