Menjëherë pas përfundimit të drekës me ambasadorin e SHBA-ve Donald Lu, Lulzim Basha është kthyer sërish në Kuvend. Pak më herët, Basha u largua nga Kuvendi dhe shkoi të drekonte me amabasadorin Lu, në një lokal në ish-Bllok.
Pas drekës në lokal, Basha dhe Lu nuk bënë asnjë koment në lidhje me atë që biseduan.
Sjellim në vëmendje që kreu i PD-së pak më herët mbajti fjalimin e tij të parë në parlament dhe më pas ishte i pranishëm në homazhet e zhvilluara në nder të Azem Hajdarit, për 19-vjetorin e vdekjes së tij.
SHBA-ja duket më e distancuar këtë vit nga qeveria Rama II, për shkak të zgjedhjes së Gramoz Ruçit në krye të Kuvendit, i cili akuzohet për lidhje me trafikun e lëndëve narkotike.
Madje Lu në seancën e djeshme plenare, hoqi kufjet kur Ruçi mori fjalën. Të jetë ky takim një shenjë e largimit të Lu-së nga qeveria dhe afrimi me opozitën? D.D/Shuplaka)
Discussion about this post