Me kundërshtaren në kafe së bashku, kandidati i opozitës në Roskovec rreh dy qytetarë

Një përplasje ka ndodhur në Roskovec, ku kandidati i “Bashkë Fitojmë” Erdit Hazizaj ka goditur me grushta dy qytetarë në Qendrën e Votimit 3061.

Dy qytetarët e plagosur quhen Andrea Hatia dhe Taulant Cjapi.

Në vendngjarje ka mbërritur Policia e Shtetit dhe po bën veprimet përkatëse.

Ende nuk dihet arsyeja e përplasjes së tyre.

Partia Socialiste Roskovec e ka dënuar këtë akt duke e quajtur të dhunshëm të kandidatit të subjektit zgjedhor “Bashkë Fitojmë”, Erdit Hazizaj. Sipas tyre ky është një akt i rëndë dhe i papranueshëm, ku një kandidat ushtron dhunë ndaj popullit, i cili sot ka ditën e tij për të ushtruar vullnetin.

Kjo ngjarje në fakt vjen pas një momenti të qetë mes kandidatëve Harizaj dhe Majlinda Bufi, të cilët mëngjesin e sotëm u shfaqën madje duke konsumuar kafen e mëngjesit së bashku.

Çfarë nuk i thanë njëri tjetrit në fushatë/ Çështja shkoi deri në SPAK, dy rivalët për Roskovecin pinë kafen e mëngjesit së bashku