Ministri i Mirëqenies Sociale, Blendi Klosi njofton se gjatë vitit të kaluar, rreth 2000 të rinj zhvilluan praktikën në administratën shtetërore, 200 prej të cilëve fituan një kontratë pune 1 vjeçare.
Klosi u shpreh se këtë vit ka pasur më shumë kërkesa nga të rinjtë, megjithatë këta duhet të orientoen nga tregu i punës.
“Gjatë 3 muajve të verës më të mirët përfituan një kontratë pune në administratë. Këtë vit kishim 2 mijë praktikantë, ndërsa 1 mijë aplikantë ishin nga Kosova dhe trojet e tjera shqiptare, nga të cilët 200 fituan kontratën 1 vjeçare të punës.
Sa i përket kritereve të përzgjedhjes, kryesorja ka qenë performanca e tyre gjatë 3 muajve të praktikes gjatë verës. Ky proces ka disa të mira, pasi të rinjtë njihen me administratën dhe kanë mundësi të mirë për punësim, jo vetëm në administratë, por edhe në biznese të tjera.
Kjo njihet dhe si kohë punë për shërbimin civil. Kemi shumë kërkesa për të fillojnë punë në admisntratë, dhe shumica nuk dinë si ta fitojnë këtë vend pune. Në provimet e administratës publike, për t’u bërë nëpunës civile duhet të kesh eksperiencë.
Disa konkurruan dhe për në ministrinë e Mirqënies Sociale, ku kishim 5 vende vakante dhe fituan 3 prej tyre. Në aktivitetin e sotëm ne kishim 15 kompani të cilat pranuan se nga ky grup i përzgjedhjes për punësimin e të rinjve të kishim më shumë hapësira.”, tha Klosi.
Ministri shtoi se pavarësisht se kanë shumë kërkesa për punë, shumë konkurse dështojnë sepse shumë të rinj nuk janë të përgatitur për të hyrë në administratë. Programi i praktikës sipas tij, u shërben atyre që të njihen më mirë me ambientin e punës. (D.D/Shuplaka)
Discussion about this post