Pas publikimit të fallsifikimit të miratimit të tjetërsimit të fondit pyjor / kullosor në Kaçinar prej drejtuesve kryesor të Bashkisë Mirditë, një tjetër dokument i falsifikuar është ajo e dëgjesës publike nga drejtoria e mjedisit në Lezhë.
Ky është denoncimi i banorëve të cilët shprehen se siç shihet në fotot e ilustruara vihet re se ky dokument është i sajuar duke u përpjekur për të justifikuar dakortësinë e banorëve të Kaçinarit.
“Sipas dokumentit të sajuar thuhet se banorët e fshatit Arrëz u mblodhën dhe u dakortësuan me ndërtimin e HEC-eve në Kaçinar, Shtuf dhe Simon. Ata që për 500 vitet e fundit nuk e kanë përdorur kurrë këtë ujë janë pyetur, ndërsa banorët e po këtij fshati që e përdorin ujin, lihen jashtë kësaj me një qëllim të caktuar, atë nanipulumit të vullnetit të popullit të Kaçinarit. Jo vetëm kaq. Me qëllim lihen jashtë edhe 3-4 katune që kurrë nuk kanë qenë dakord me përjashtim të ndonjërit që janë gati ti thonë ‘po’ pushtuesit të çdo lloj ngjyre. Është koha për veprim, fakte dhe kontribut.
Ata që e duan Shqipërinë, ata që duan natyrën, ata që duan të shpëtojnë atë vend nga grabitja dhe gjymtimi i natyrës duhet të bëhen të vërtetë dhe t’i bashkohen valës tonë protestuese, murit tonë mbrojtës. Asgjë nuk do t’ju kushtojë t’u ngjiteni radhëve tona kudo, në protestë, në çadër, në Prokurori dhe gjykatë për t’i dhënë leksion qeverisë së shkatërrimit të Shqipërisë. Kaçinari dhe Zall Gjoçaj janë tashmë angazhuar dhe të organizuar me të gjithë arsenalin patriotik, njërzor, financiar për ta rritur rezistencën tonë dhe për ta sfiduar të keqen që na është kanosur”, shprehen banorët.
(F.GJ/FAXWEB.AL)
