Shefja e Grupit Parlamentar të Nismës për Kosovën, Valdete Bajrami, ka thënë se kryeministri i vendit, Isa Mustafa, ka dy zgjedhje: ose të japë dorëheqje, ose të përjetojë rrëzimin e Qeverisë nga mocioni i iniciuar nga partitë opozitare.
“Zoti Mustafa i ka dy rrugë: O sonte të jep dorëheqje ose nesër të përjetojë rrëzimin e Qeverisë”, ka thënë Bajrami.
Sipas Bajramit, sjellja e Mustafës kundrejt deputetëve të partisë së tij është alarmante, sepse deputetët duhet të jenë të pavarur. Bajrami ka vlerësuar se deputetët e LDK’së janë në një presion të tejskajshëm nga lideri i tyre.
Ndërsa vet Kryeministri i Kosovës dhe njëherit kreu i LDK-së, Isa Mustafa pritet të ketë një ditë të rëndë politike. Ai do të përballet me mocionin e mosbesimit të iniciuar nga Nisma për Kosovën dhe mbështetur edhe nga partitë tjera opozitare.
Por duket se ai para seancës që pritet të mbahet në orën 10:00, ka arritur me mëngjes në Qeveri,. Ai është parë në objektin e Qeverisë në orën 08:00, aty ku më pas kanë ardhur edhe ministrat e LDK-së. Mocioni me 42 nënshkrime i inicuar nga Nisma për Kosovën ishte dërguar në Kryesinë e Kuvendit gjatë javës së shkuar.
Sipas Rregullores së Kuvendit të Kosovës, mocioni i mosbesimit vihet në rendin e ditës, jo me vonë se pesë (5) ditë dhe jo më herët se dy (2) ditë nga dita e parashtrimit të tij. Nëse mocioni i mosbesimit merr 61 vota dhe votohet për Qeverinë në tërësi, Qeveria konsiderohet në dorëheqje. (S.SH/SHUPLAKA)
Discussion about this post