Në nisje të muajit shkurt do të jenë dhe zgjedhjet për kreun e FSHF-së.
Derimë tani gara paraqitet mjaft e fortë, ku përballë Armando Dukës që kandidon për mandatin e tij të pestë, këtë herë është vendosur një njeri i politikës, Bashkim Fino.
Kryeministri i vendit gjatë ditës së djeshme i pyetur në lidhje me zgjedhjet u shpreh se nuk kishte ndërmend të ndërhynte në to, e megjithatë theksoi se pa mbështetjen e qeverisë, asgjë nuk mund të bëhet.
“Nuk kam asnjë emocioni vetjak, nuk kam asnjë lloj të drejte apo përgjegjësie për zgjedhjet në FSHF”, tha Rama.
Në lidhje me faktin që Olsi Rama është drejtor sportiv i Partizanit, kryeministri theksoi se “vëllai im është 5 vjet më i vogël se unë dhe ai është në të drejtën e tij dhe ka zgjedhur pasionin e tij”.
E megjithatë në lidhje me vendimin e djeshëm të Bashkim Finos për të hequr dorë nga funksionet në PS duket se ka një shkelje syri dhe nga ana e Ramës.
Ose ndoshta edhe më keq një shtrëngim për tu dukur sikur gara është tërësisht e pa ndikuar nga ana e politikës.
Po mbetet e paqartë se pse ai nuk ka dhënë ende dorëheqje nga mandati i deputetit.
(E.K/FAXWEB)
