Moti i keq “mbërthen” Evropën/ Shkëputet çatia dhe bie në palestër, i moshuari rrëmbehet nga lumi

Evropa është “pushtuar” nga moti i keq. Rrebeshe të shumta dhe erëra të forta kanë shoqëruar Italinë, Francën dhe Greqinë për orë me radhë.

Veçanërisht në Itali, si pasojë e erës “shkulëse”, një çati është shkëputur dhe ka rënë në një palestër ku po stërviteshin një grup të rinjsh. Nga kjo ngjarje një e re mbeti e lënduar rëndë dhe u transportua menjëherë në spital, ku ndodhet në gjendje të rëndë.

Ndërsa në Francë lumenjtë janë fryrë tej normales për shkak të reshjeve të shumta të shiut. Kjo ka bërë që një i moshuar të rrëmbehet nga rryma dhe të humbë jetën. Ndërsa në një zonë tjetër, era e fortë rrëzoi pemën, duke lënë të vdekur një 70-vjeçar. Ky mot i “çmendur” mbërtheu vendet e Evropës menjëherë pas Mbretërisë së Bashkuar.

(M. I./ Faxweb.al)