Mungesa prej më shumë se një muaj e kryeministrit Rama në Kuvend nuk ka munguar pa u vënë re nga demokratët. Kanë qenë Topalli dhe Berisha ata që e kanë cilësuar të papranueshme faktin që ai ka një muaj që nuk merr pjesë në seancat parlamentare.
‘’Ka një problem real me Kushtetutën, po në thelb kemi një problem me mosfunksionimin e qeverisë. Ka tre javë që mungojnë ministrant e LSI-së dhe ka më keq akoma një muaj që kryeministri nuk merr pjesë në asnjë seacë. Kjo gjë nuk ka ndodhur asnjëherë në historinë 25-vjeçare të këtij parlamenti. Çfarë kuptimi ka që të vazhdojë të ekzistojë kjo qeveri. A ka pasur guxim që një kryeministër të rrijë më shumë se një muaj pa ardhur në Parlament? ‘’, ka thënë Topalli.
Ndërkohë nga ana tjetër Berisha ka thënë që Rama bën mirë që të ikë njëherë e mirë nga Parlmenti përpara se ta nxjerrë sheshi.
‘’Së dyti në mbështetje të Topallit, theksoj që ai nuk është më kryeministër. Ai është pulla e kuqe e këtij parlamenti, të mos ia shohim më bojën në këtë Parlament. Pullën e kuqe të vetë do t’ia përcjellë këtij Parlamenti. Të marrim një vendim ta lëmë jashtë parlamentit njëherë e mirë’’, ka thënë Berisha.
Ndërkohë që deputeti Braçe mori në mbrojtje kryeministrin duke thënë se ai ndodhet në Prishtinë.
‘’Kryeministri është në prishtinë, është kryeministër fuqiplotë, po përfaqëson Shqipërinë, gjatë gjithë historisë së tij ka bërë mundësinë të bëjë ndryshe. Kur vjen Rama PD thotë pse vjen, ndërsa kur mungon thotë thotë pse vjen?’’, ka deklaruar Braçe. (E.K/SHUPLAKA)
Discussion about this post