Të lodhur nga rruga e gjatë në këmbë dhe naftëtarët e nisur dje nga Fieri ndodhen para ministrisë së Energjitikës. Ata janë shprehur për “Fax News” se nuk do të ikin derisa të marrin një zgjidhje dhe janë shprehur se mund të shkojnë deri në vetëflijim.
“Prisnim që soliadriteit të ishte më i lartë. Do të shkojmë deri në vetëflijim derisa të marrim pagat. Qeveria të marrë masat e duhura që punonjësit të jenë të sigurt. Është bërë gabim që në privatizimin e naftës, është abuzuar. Që nga 2009 që është privatizuar kanë ndërhyrë shumë duart të pista.Kemi 12 muaj pa marrë rrogat”, janë shprehur naftëtarët.
Në orën 10:00 nafëtarët do të zhvillojnë një takim me me ministrin Damian Gjuknurin dhe Arben Ahemtajn ku do iu shprehin problemin e tyre dhe presin një zgjidhje. Mësohet se 6 përfaqësuese të natërtarëve do të zhvillojnë takimin me ministrave.
‘’Fax News” raportoi dje pas mesnate se ata ishin strehuar pranë strehës sociale ‘’Logu i Shkendijes” në Tiranë. Gjendja e tyre shëndetësore paraqitet e qëndrueshme.
Naftëtarët kanë qenë përherë pjesë e protestave, pasi vonesat në rroga, dhe mospagimi i sigurimeve shoqërore e bëjnë edhe më të pafuqishme këtë kategori.
Te ‘’Sheshi Shqiponja” naftëtarët kanë pasur një ndalesë, ndërsa Policia ka ndaluar edhe mjetet e vogla me të cilat naftëtarët kanë bërë një pjesë të rrugës nga Fieri. Në ndihmë të tyre kanë ardhur dhe përfaqësues së shoqërisë civile dhe aktivistë të tjerë. (J.V/Faxweb)
