“Ndërtuesi ka ushtruar dhunë mbi ne”, qytetari denoncon me FOTO DHE VIDEO te “Shuplaka” pronarin e pallatit që pretendon se i mashtroi

Me bilbila në duar, të indinjuar dhe të vendosur për t’u ”ngujuar”, kështu protestuan  7 familje  në oborrin e Prokurorisë së Tiranës.

Sot për “Shuplakën” njëri prej të ngujuarve ka treguar se ata janë dhunuar nga ndërtuesi që prej datës 1 shkurt. 

 “Përshëndetje jam një nga banoret e ngujuar tek prokuroria rrethit Tiranë.  Problemi jonë është bërë publik.  Po ju dergoj disa foto të dhunes që është ushtruar nga ndërtuesi e njerzit e tij që nga 1 shkurti”, tregon qytetari Dani Hametaj.

Sjellim në vëmendje që “Shuplaka” publikoi që dje lajmin se  35 anëtarët e këtyre familjeve kërkojnë vazhdimin e hetimit për pallatin në ”Unazë të Re”, në Tiranë, i cili u kthye para disa muajsh në skenë të rrezikshme, pas tentativës së një gruaje për t’u hedhur prej andej. Banorët që kërkojnë vazhdimin e hetimeve pretendojnë se ndërtuesi Dritan Llanaj i ka mashtruar me apartamentet, ndërkohë që ky ndërtues është thirrur po nga Prokuroria për çështjen.  

Qytetari tregon se pronari i pallatit është arrestuar nga policia tre ditë më parë pasi goditi punonjësin e policisë dhe tani është lënë i lirë.

Në fotot e mëposhtme qytetari pretendon se janë momentet që ata janë dhunuar. Po kështu disa nga fotot janë edhe gjatë kohës  që ata qëndruan para Prokurorisë së Tiranës pasi sipas tyre ata nuk kanë gjetur drejtësi.   (J.V/Shuplaka)

[ngg_images source=”galleries” container_ids=”2240″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]