Presidenti i Federatës së Atletikës Gjergji Ruli ka qenë në një lidhje skype me Fax neës, ku ka komentuar gjendjen e atleteve në këtë situatë pandemie.
Ruli tha se atletët më të mirë janë duke u stërvitur pavarësisht kushteve të karantinës, pasi duhet të jenë në formë, në rast se rinsin aktivitetet sportive. Ruli ishte duke sstërvitur së fundi Izmir Smalajn, për të cilin thotë që ndjen keqardhje që puna është lënë përgjysmë.
Presidenti i Atletikës, foli dhe për njohjen e tij me kryeministrin Edi Rama, me të cilin tha se ishte stërvitur për një vit, dhe ka qenë një nga sportistët me vullnetin më të fortë.
“Atletët më të mirë Luiza Gega, Izmir Smajli, janë duke u stervitur rregullisht. Gega është në Kenia së bashku me trajnerin e saj, Smajli është në malin e Qafshtamës, Nikolli është në Itali dhe po stërvitet atje, Franko Burra po stërvitet në Shkodër, ndërsa atletët e tjerë që nuk synojnë europianin, nuk e kam idenë, por besoj se janë duke u stërvitur në shtëpi.
Ndërprerja e parë për ne ishte kampionati botëror që do të mbahej në Kinë. Shtyrja e lojërave olimpike është një nga gjërat më të mira që u bë. Shtyrja nuk është bërë vetëm për dy atletët tanë, ne ishim përgatitur për medalje, por në radhë të parë duhet të mendojmë për shëndetin, pasi ai është mbi të gjitha.
Atletët marrin kuota nga bashkia, si dhe kanë një bursë nga Komiteti Olimpik, deri më tani nuk kemi pasur asnjë problem. Me Ramën kemi qenë shumë miq, jemi stërvitur bashkë për një vit, dhe ka qenë një nga sportistët me vullnetin më të madh”, u shpreh Ruli.
Presidenti i Federatës së Atletikës foli dhe për një pasion të panjohur më parë të tij, që është piktura, e cila i merr një kohë të mirë të ditëve të tij.
Duke iu referuar mbështetjes së munguar nga qeveria për sportin, Ruli tha se ai ishte koshient se mbi të gjitha qeveria duhet të kujdeset për njerëzit që jetojnë në çadra, dhe që kanë mungesa më bazike.
Po ashtu Ruli foli dhe për mungesën e një piste atletike në Stadiumin Arena Kombëtare, për të cilën tha se përfundimi i hoqi dhe kritikat që kishte pasur fillimisht. Sipas tij po mendohet që të ketë një pistë për atletët në stadiumin Dinamo.
“Pa atletikë nuk ka sport, edhe një futbollist në 90 minuta më shumë vrapon, pasi topin nuk e mban më shumë se një minutë”, u shpreh Ruli.
Në këto ditë Ruli së bashku me disa prej atletëve më të mirë, kanë dhënë ndihma për njerëzit në nevojë, pasi një nga mesazhet më të mira që mund të jepen në këto ditë, është ajo e solidaritetit.
Discussion about this post