Këtë të hënë nisi procesi i Censit, regjistrimit të popullësisë nga INSTAT. Në të gjithë vendin janë angazhuar shumë anketues që do trokasin në çdo derë shtëpie në Shqipëri. Pyetësori i INSTAT ka rreth 100 pyetje dhe përgjigja ëshëtë me detyrim për çdo qytetar.
Për të folur për këtë proces ishte e ftuar në Fax News më gazetaren Rovena Neziri, ish-drejtoresha e INSTAT, Ines Nurja.
Në një lidhje Skype, Nurja foli mbi rëndësinë që ka përgjigja e çdo qytetari.
Kjo është një procedurë e zakonshme që ndodh 1 herë në disa vite. Metodologjia, gjithashtu është e njëjtë.
Ines Nurja: “Është procedurë e zakonshme që të dhënat mblidhen duke shkuar te familjet shqiptare dhe duke pyetur për banesën sa pjesëtarë ka sa zptërime, për punësim për arsim. Është proces standard që kryhet. Metodologjia është e njëjtë”, tha Nurja.
Ish-drejtoresha u ndal edhe te penalitetet që parashikohen në rast mos-përgjigje apo përgjigje të gënjeshtërt. Sipas saj, penalitete ka pasur gjithmonë në lidhje me mosdeklarimin, por nuk është e mundur verfikimi i përgjigjes nëse është e vërtetë apo e gënjeshtërt.
Ines Nurja: “Gjithmonë ka patur penalitet në mometin kur nuk përgjigje.Kur gënjen nuk mund të ketë penalitet. Është një pyetsor me vetëdeklarim, çdo person deklaron të dhënat e veta. Dhe sigurisht që ato të dhëna nuk mund të verifikohen. Penalizimi qëndron vetëm në procesin e mospërgjigjes, kur ti refuzon t’i përgjigjesh pyetsësorit. Para 2 vitesh ka qenë një penalitet deri në 300 mijë lekë të vjetra, këtë vit është rritur ka shkuar deri në 500 mijë lekë. Është e njëjta procedurë sa herë bëhet CENSI”, shtoi Nurja.
Së fundmi, Nurja u ndal edhe te qasja që duhet të ketë çdo qytetar ndaj këtij pyetësori. Ajo u shpreh se përgjigja është detyrim qytetar dhe kjo jo për shkak të penaliteteve, por është përgjegjësi për këdo. Është e nevojshme të dihet me saktësi se sa qytetarë banojnë në Shqipëri dhe cilat janë problemet demografike.
Ines Nurja: “Është detyrim nuk është thjesht një dëshirë. Çdokush duhet të përgjigjet me vërtetësi. Të paktën duhet të përgjigjet sepse kemi nevojë të marrim vesh se sa jemi në Shqipëri, sa janë të punësuar, si është çështja demografike. Të gjithë duhet ta ndjejnë si përgjegjësi jo nga penaliteti që rëndon, por sepse është një detyrim qytetar për ta kryer sepse është e vetmja mundësi për të deklaruar se çfarë kemi ne në familjet tona. Bëhet në çdo vend të botës dhe të gjithë i përgjigjen, disa përgjigjen online disa përdorin tableta. Por secili nga duhet të përgjigjet pasi është detyrim nuk është thjesht një dëshirë, dua unë të përgjigjen, s’dua unë të përgjigjem. Të gjithë duhet të hapim dyert dhe t’i përgjigjemi pyetjeve të INSTAT”, përfundoi Nurja.
