Vitit 2017 do i duhet të presë pak përpara se të trokasë. Shkencëtarët që merren me matjen e kohës kanë bërë me dije se do t’i kushtojnë një sekondë minutës së fundit të 31 dhjetorit me qëllim kompensimin e lëvizjeve të Tokës.
Pra sekondat natën e ndërrimit të viteve do të numërohen kështu: 23:59’:58’’, 59’’, 60’’, 00:00’:00’’
Mësohet se kjo sekondë shtesë që do i shtohet minutës së fundit 31 dhjetorit është thelbësore në mbajtjen në sinkronizim të orëve në Tokë me “kohën diellore,” në mënyrë që ditët dhe netët të përputhen me dritën dhe errësirën.
Shkencëtarët i lejojnë këto luhatje duke shtuar sekonda çdo një vit e gjysmë me qëllim mbajtjen e Orës së Koordinuar Universale, të sinkronizuar me konceptin tradicional të kohës.
Planetit tokë i duhen mbi 86,400 sekonda për një rrotullim 360 gradë, por ai lëkundet në akset e tij dhe ndikohet nga tërheqja e Diellit, Hënës dhe zbaticat, që nënkupton se del jashtë ciklit me Orën Atomike Ndërkombëtare. (XH.A/SHUPLAKA)
