Të paktën 3 aksidente janë shënuar në minutat e fundit në aksin rrugor Pogradec-Prrenjas.
Dy mjete janë përplasur në Pojskë të Pogradecit. Nga aksidenti janë regjistruaer vetëm dëme materiale. Ende nuk dihet se cila është shkaku i aksidentit, por në vendngjarje ka shkuar grupi hetimor bashkë me policinë.
Sakaq, një kamion ka dalë nga rruga në Qafë Thanë, ku sipas burimeve paraprake shkak rezulton lagështia në rrugë.
Ndërkohë, dy mjete të tjera, mes tyre një kamion dhe një autoveturë janë përplasur në afërsi të Prrenjasit.
Si pasojë e përplasjes ka mbetur i plagosur një person, i cili është dërguar në spitalin e Librazhdit për të marrë kurimin e nevojshëm mjekësor.
Dyshohet se shkak është shpejtësia e lartë dhe lagështira në rrugë.
